Një incident i papritur ka ndodhur mbrëmjen e sotme gjatë emisionit “Pressing” në T7, ku përfaqësuesi i Lëvizjes Vetëvendosje, Nezir Kraki, dhe gazetari i njohur i Insajderit, Parim Olluri, janë përfshirë në një kacafytje fizike pas një debati të nxehtë verbal.
Gjithçka nisi pas rreth 20 minutash transmetim, kur diskutimi për pretendimet e Parim Ollurit mbi vjedhjen e votave në Komunën e Mitrovicës u përshkallëzua në ofendime personale mes dy të ftuarve.
Tensionet u rritën me shpejtësi, dhe pas disa fjalëve të ashpra, të dy u ngritën nga vendet duke u përballur fizikisht.
Moderatori i emisionit, Leonard Kerquki, u detyrua të ndërpresë menjëherë emisionin për të shmangur përshkallëzimin e situatës.
Pamjet e ngjarjes janë bërë virale në rrjetet sociale, ndërsa publiku ka reaguar me habi dhe kritikë për mënyrën si degjeneroi debati./InfoKosova/
Shiko Videon:
