Brenda shtëpisë, gjërat mes Limit dhe Dolces lëvizën rrufeshëm. Pamë një kimi të menjëhershme dhe puthje që ndodhën pa humbur kohë. Ndonëse Dolce pranoi se ai kishte qenë “fiksimi” i saj prej kohësh, rrjetet sociale tregojnë një histori tjetër shumë interesante.
Gjurmët në Instagram! Në profilin e Dolces vërejmë se Lim Hoti ka qenë “prezent” aty shumë më herët. Gjurmët nisin që prej datës 14 maj, fiks ditën kur Limi doli nga “Ferma VIP” — ku emri i tij figuron rregullisht tek fotot e blogeres.
Kronologjia e pëlqimeve nuk lë vend për dyshime: Limi ka qenë aktiv në profilin e saj gjatë gjithë verës dhe vjeshtës. Nga 14 Qershori, 19 Gushti, e deri në fund të Tetorit, fotot e Dolces mbajnë “vulën” e pëlqimit të tij. Kjo tregon se tërheqja ndoshta nuk ka nisur brenda shtëpisë, por thjesht aty gjeti terrenin për të shpërthyer.
Ky detaj ka ngritur pikëpyetje të mëdha: A njiheshin ata të dy nga jashtë, apo ishte thjesht një pëlqim i heshtur virtual që priste momentin e duhur? Mbetet për t’u parë nëse deklaratat e tyre të radhës do të zbulojnë diçka më shumë rreth kësaj “njohjeje” 6-mujore.
