Shkencëtarja shqiptare, Pranvera Hyseni, ka arritur një sukses të jashtëzakonshëm në fushën e astronomisë planetare, duke u shpallur fituese e çmimit prestigjioz “Stephen E. Dwornik”.
Ky vlerësim i është ndarë nga Divizioni Planetar i Shoqatës Amerikane të Gjeologjisë për prezantimin më të mirë nga një student doktorature, në kuadër të Konferencës së Shkencave Planetare dhe Hënore.
Konferenca u mbajt në Teksas të Shteteve të Bashkuara të Amerikës, transmeton IndeksOnline.
Pranvera u dallua me punën dhe prezantimin e saj shkencor, duke fituar vëmendjen dhe vlerësimin e jurisë profesionale.
Ky çmim konsiderohet ndër më të rëndësishmit për studiuesit e rinj në fushën e astronomisë planetare.
