Olta Gixhari ka treguar edhe një herë se nuk i shmanget pyetjeve pikante.
E ftuar në emisionin “Kampionët e Botës” në Tv Klan, aktorja u përball me një lojë argëtuese, ku duhej të “transferonte” emrat më të njohur të futbollit në botën e kinemasë.
Mes zgjedhjeve të vështira dhe përgjigjeve spontane, Olta zbuloi se kë konsideron regjisorin ideal, cilin futbollist do të zgjidhte si partner në një film romantik, kush do të ishte “burri perfekt për shtëpi” dhe cili lojtar do të kishte më shumë shanse për të fituar një reality show.
Me humor dhe pa komplekse, aktorja nuk hezitoi të japë mendimin e saj për disa nga emrat më të njohur të futbollit botëror, duke dhuruar një nga momentet më argëtuese të intervistës.
