Nutricionistja Urata Rexhepi ka shpjeguar në emisionin “Ora 7” në Klan Kosova se konsumimi i “çajit gjatë ditëve me vapë mund të jetë më i favorshëm për organizmin sesa uji shumë i ftohtë.
Sipas saj, shumë persona mendojnë se vetëm uji i ftohtë i freskon, por funksionimi i trupit është ndryshe.
“Temperatura e brendshme e trupit është rreth 37 gradë Celsius. Kur pimë ujë shumë të ftohtë, organizmi duhet të shpenzojë energji për ta balancuar temperaturën. Ndërsa kur pimë çaj ose ujë në temperaturë të dhomës, trupi nuk ka nevojë ta bëjë këtë proces,” u shpreh Rexhepi.
Ajo shtoi se për këtë arsye disa njerëz ndihen më të freskët pasi konsumojnë çaj të ngrohtë edhe gjatë ditëve me temperatura të larta.
