Komandanti legjendar Adem Jashari dhe ish-presidenti historik i Kosovës, Ibrahim Rugova, dekada më parë janë takuar në Tiranë derisa një nga ish-themeluesit e LDK-së, Skënder Zogaj foli për këtë takim.
“Ramush Tahiri ka intervenuar te delegacioni i Kosovës që edhe Adem Jashari të përfshihet në një takim me media që e kishte Ibrahim Rugova në Tiranë. Ka qenë dëshira e Ademit që të vijë në takim. Me aq pak sa e kam njohur, Ademi ka qenë një luftëtari vërtetë, i cili ka pritur urdhra për luftë e aksione”, ka thënë Skënder Zogaj në “Këndi i Debatit” në Tëvë.
Tutje, Zogaj zbulon se Adem Jashari dhe Ibrahim Rugova pas takimit, janë ndarë veçmas në një zyre për të biseduar.
“Ademi pas këtij takimi, e ka zhvilluar edhe një takim në katër sy me Rugovën. Çka është biseduar në atë takim, unë mund vetëm të të gënjejë sepse nuk e di se çka ka ndodhur”, deklaroi Skënder Zogaj duke e kujtuar edhe një fakt interesant.
“Nuk e kam dëgjuar ndryshe Adem Jasharin ta quajë ndryshe Ibrahim Rugovën përveçse komandant”, theksoi Zogaj.
