Festa Qoqaj ka zgjedhur të bëjë pak humor me ndjekësit, duke publikuar një video që në pamje të parë mund të krijonte përshtypjen e një prezantimi për Big Brother VIP Kosova.
Videoja është realizuar në një dasmë, në një ambient që me ndriçimin dhe skenografinë të kujton set-up-et që shpesh përdoren për profilet prezantuese të banorëve të reality show-t.
“Klipi jem prezantues për Big Brother”, ka shkruar Festa mbi video, duke e kthyer momentin në një shaka për ndjekësit e saj.
Dhe duket se ngacmimi funksionoi. Në komente, disa prej ndjekësve kanë reaguar sikur për një moment e kishin marrë seriozisht videon, ndërsa të tjerë kanë vazhduar humorin duke e imagjinuar Festën si pjesë të formatit.
