November 22, 2026
DardaniaNews
FeaturedLajme

A po e paralajmëron Kurti arrestimin e Hotit nëse VV vjen në pushtet?

Lideri i Lëvizjes Vetëvendosje, Albin Kurti, ka kritikuar ashpër kryeministrin Avdullah Hoti, duke thënë se pas një marrëveshjeje “me pasoja për Kosovën”, duhet të kishte arrestime.


“Kjo qeveri përmes temës së Ujmanit që e vendosi në negociata, ia hapi temën Serbisë për të diskutuar pronën e Kosovës”, tha Kurti.

Kurti në një intervistë dhënë televizionit të partisë së tij, ka dhënë madje mesazhe mjaft serioze, duke paralajmëruar se nëse ai vjen në pushtet, mund të ketë edhe arrestime në lidhje me veprimtarinë e Qeverisë Hoti.

Tutje, duke akuzuar prokurorët kosovarë, Kurti ka thënë se në një shtet të së drejtës, që sipas tij synon të bëj VV, persona të këtillë nuk do të kishin vend as në liri.

“Po të kishte Kosova prokurorë të vërtetë, ata do të vepronin menjëherë. Shteti i së drejtës nuk do t’i durojë as në pushtet e as në liri, njerëzit e këtillë. Pikërisht rikthimi ynë në qeveri do ta mundësojë shtetin e së drejtës”, ka thënë Kurti.

Ish-kryeministri Kurti, ka thënë se Qeveria Hoti në 100 ditët e saj të para ka dëshmuar se “është e dobishme për Serbinë”.

Related posts

PËR ATA “RUGOVISTË” QË JANË SULUR NË BETEJE PËR TA “MBROJTUR” RUGOVIZMIN ME VEPRIME DHE SHKRIME MË ANTIRUGOVISTE!

dardanianews

“Hero duhet t’i themi”- Luiz Ejlli shpreh ngushëllime për vdekjen e Faton Hajrizit

dardanianews

Ministri Murati tregon pse nuk u përfshi në plan të Qeverisë heqja e monopolit të Devollëve

dardanianews