Alma Kaçi, gruaja e përfshirë në videoskandalin e Safet Gjicit ka treguar për herë të parë alibinë e saj lidhur me skenat intime në zyrën e ish-kryebashkiakut të Kukësit.
Kaçi tha se qëllimi i saj ishte për të diskretituar një titullar që abuzonte me detyrën, teksa shton se se tenderi i rahabilitimit të qenve ka qenë një sajesë.
“Motivimi ishte për të demaskuar një titullar, që qytetarët presin atje tek dera për të qarë hallin e tyre dhe ai abuzon me zyrën e shtetit”, shprehet Alma Kaçi.
Kaçi kërkon që të mos merren më me djalin e saj të mitur, por të bëjnë drejtësi. Sipas Almës, i gjendur në këtë situatë djali i saj nuk po jeton dot, duke qenë se po i përjeton të gjjitha paragjykimet, pavarësisht së është shkëputur nga rrjetet sociale.
Theksojmë se Alma Kaçi ndodhet për momentin në masën ‘arrest shtëpie’ të vendosur nga gjykata.
