Ambasada amerikane në Kosovë, ka reaguar heqjes së taksës nga kryeministri në detyrë Albin Kurti dhe vënien e reciprocitetit ndaj qarkullimit të mallrave nga Serbia.
Ambasada kanë kundërshtuar vendimin e Kurtit, duke thënë se SHBA ishte e qartë se Kosova duhet të heqë të gjitha tarifat dhe të mos krijojë barriera të reja.
Sipas Amerikës, këto politika lëndojnë njerëzit e Kosovës dhe e ngulfatin ekonominë e vetë Kosovës, përcjell Bota sot.
Kumtesë nga Ambasada e SHBA-ve lidhur me tarifat
“Shtetet e Bashkuara ishin të qarta se Kosova duhet të heqë të gjitha tarifat dhe të mos krijojë barriera të reja sepse këto politika lëndojnë njerëzit e Kosovës dhe e ngulfatin ekonominë e vetë Kosovës.
Mbesim në kundërshtim të veprimit të fundit për zbatimin e masave të reciprocitetit ndaj qarkullimit të mallrave nga Serbia.
Këto masa krijojnë më shumë probleme në kohën kur SHBA-të besojnë se marrëveshjet për linjë ajrore, hekurudhore, dhe për autostradë, të arritura mes të dyja palëve, do të rrisin zhvillimin ekonomik kur ato të zbatohen, dhe do të krijojnë kushtet e nevojshme për dialog të suksesshëm”.
