Një grua e re që kishte vizituar një kopsht zoologjik në Tashkent, Uzbekistan hodhi një vajzë të vogël të cilën kishte në krah në një kafaz ku ndodhej një ari i murrmë. Fëmija nuk u lëndua nga kafsha, por nga rënia dhe është nën mbikëqyrjen mjekësore.
Si vizitorët ashtu edhe stafi i kopshtit zoologjik u përpoqën të ndalonin të renë kur kuptuan se çfarë donte të bënte por nuk ia dolën e për pasojë fëmija ra në vendin ku ndodhet kafazi i ariut nga lartësia 5 metra. Më pas kafsha iu afrua vajzës së vogël, e nuhati dhe u largua. Nuk dihet ende se përse gruaja hodhi fëmijën tek kafazi i ariut, ndërsa vogëlushja ndodhet nën kujdesin e mjekëve jashtë rrezikut për jetën.
