November 20, 2026
DardaniaNews
FeaturedLajme

Franca dëbon shqiptarin që shpëtoi 8-vjeçarin nga zjarri

Akti heroik i Roland Aliut, shqiptarit që hyri mes flakëve për të shpëtuar një 8-vjeçar në Poiters të Francës nuk ka mjaftuar që i riu t’i shpëtojë urdhrit për dëbim nga territori francez.

Shumë banorë të zonës e kanë cilësuar si një vendim të padrejtë e për këtë arsye në mbështetje të tij, është paralajmëruar një tubim i cili do të mbahet përballë prefekturës në 7 janar.

Në 3 shkurt të 2022-shit, i riu shqiptar bëri xhiron e rrjeteve sociale dhe mediave në Francë për shkak të aktit heroik që ndërmori duke rrezikuar jetën e tij, e madje ekipet e shpëtimit i dhanë atij medaljen e artë në korrik të vitit të kaluar.

Roland Aliu shpresonte se do të merrte lejen e qëndrimit në Francë, për të cilën kishte nisur procedurat qysh më herët, por më 9 dhjetor, autoritetet franceze e njoftojnë se ai së bashku me familjen e tij kanë një muaj kohë për t’u larguar nga territori francez.

Sipas vendimit të argumentuar të prefekturës, akti i trimërisë së shqiptarit nuk është arritur të vërtetohet nga shërbimet e urgjencës dhe policia që u mobilizuan mbrëmjen që ndodhi zjarri.

Vendimi për dëbim nuk prek vetëm Rolandin. Së bashku me të, nëse protesta e 7 janarit nuk do të ndryshojë rrjedhën e ngjarjeve, do të kthehen drejtë Shqipërisë prindërit dhe vëllai i tij, njofton euronewsal.

Related posts

Tronditëse: Ja bëra mirë! Aspak i penduar, ja pse e vrava, del deshmia vrasesit te Martinit

dardanianews

KRENARI/ I riu shqiptar mes varfërisë doli i pari i botës në matematikë! Mësuesja i pagoi biletën në SHBA

dardanianews

Klosi tha se FARK-u nuk kishte ushtarë, i kundërpërgjigjet ish-bashkëpunëtori i kolonel Krasniqit: Ti o shpirt krimineli…

dardanianews