Një zhytës i karavidheve në Cape Cod mendoi se ishte sulmuar nga një peshkaqen, por e kuptoi në fakt se ishte në gojën e një balene.
Sipas BBC, përcjell Telegrafi, Micheal Packard thotë se ai po kryente zhytje kur përfundoi në gojën e gjigantit detar për rreth 30-40 sekonda larg Provincetown, Massachusetts.
“Zbrita deri në 13 metra në ujë, dhe krejt papritur thjesht ndjeva këtë përplasje të madhe dhe gjithçka u errësua”, tha Packard.
“Dhe unë mund ta ndieja që isha duke lëvizur dhe për një moment isha: ‘Oh Zoti im, mos jam kafshuar nga një peshkaqen?’”.
“Pastaj e ndjeva përreth dhe e kuptova se nuk kishte dhëmbë, dhe që nuk kisha ndjerë ndonjë dhimbe të madhe”, rrëfen ai.
“Dhe pastaj e kuptova, ‘Oh Zoti im, unë gjendem në gojën e një balene, dhe po përpiqet të më gëlltisë”, u shpreh ai teksa rrëfen me emocion momentin drithërues.
Packard tregon se balena papritmas u ngjit në sipërfaqe dhe filloi të tundte kokën, më pas ai ishte hedhur në ajër dhe zbarkoi në ujë, për të shpëtuar më në fund. /Telegrafi/
