Një i moshuar, që tregoi se ka punuar 45 vjet si mësues, tha se merr një pension që nuk është aspak i mjaftueshëm për të përballuar nevojat bazë.
Nga sheshi “Skënderbej”, ai deklaroi se pushtetarët e korruptuar marrin më shumë sesa ai që ka punuar për kaq vite si arsimtar, ndërsa shtoi se atyre ua ka marrë mend paraja.
“Kam qenë 45 vjet mësues. Unë kam dalë edhe i dalluar si mësues. Por siç punoja në kohën e Enverit, ashtu punova edhe në demokraci. Rrogën e merrja atëherë 7 mijë lekë. Sot këta qeveritarët e korruptuar marrin 100 fishi im. Pse të ndodhë kjo? Iu ka marrë mendjen paraja.”, tha ai.
