Ndaj deputetit të Kuvendit të Kosovës nga radhët e Lidhjes Demokratike të Kosovës, Fetah Rudi, 20 vite më parë ishte organizuar një atentat që e la në karrocë.
Ish ushtaraku dhe njëri ndër oficerët e parë të FARK-ut Saim Tahiraj, përmes një shkrimi në Facebook, shkruan se 20 vite më parë u qëllua liria, demokracia, dhe u qëllua vet shteti i Kosovës.
Tahiraj shprehet se bandat kriminale Neobolshevike tentuan ta vrisnin deputetin Rudi.
Tutje, ai thekson se drejtësia do triumfojë në Kosovë, kurse, bandat kriminale do e marrin dënimin e merituar nga Gjykata Speciale
Ja shkrimi i tij:
Njëzet vite më parë u qëllua me plumba Fetah Rudi, u qëllua liria, demokracia, u qëllua vet shteti i Kosovës! Bandat kriminale Neobolshevike që u përpoqën ta vrajnë luftën çlirimtare, provuan prapë ta vrajnë Fetah Rudin si personifikim më autentik i lirisë , demokracisë dhe shtetit të Kosovës!
Fetah Rudi nuk mundë të vritet sepse është një kala e pamposhtur kurrë përballë shumë furtunave në kohë të ndryshme, është vet shteti i Kosovës. Qëndrimi burrërorë dhe fisnik i Fetah Rudit për mos hakmarrje por me vendosmëri kërkon drejtësi për vete dhe bashkëveprimtarëve të tij , janë fryma më reale e Rugovizmit, SHTETI MBI TË GJITHA!
Drejtësia do triumfon në Kosovë, bandat kriminale do e marrin dënimin e merituar nga Gjykata Speciale. Ferah Rudi do fluturon si një shqiponjë drejt horizonteve të reja bashkë me lirin.
Liri-demokraci-barazi për të gjithë është e vetmja rrugë për një shtet të fuqishëm dhe stabil. Kjo mundë të arrihet vetëm me Fetah Rudin dhe bashkidealistët e tij në ballë kurse bandat kriminale neobolshevike prapa grillave.
