Koordinatorët e Intimitetit (Intimacy Coordinators) zbulojnë se si produksioni e menaxhon këtë situatë, me qëllim që të ruhet profesionalizmi dhe rehatia.
David Thackeray, koordinator i intimitetit në Hollywood, shpjegoi për Insider qasjen më të mirë në këto raste.
Normalizimi i situatës: Hapi më i rëndësishëm është të bëhet e qartë se kjo është normale dhe se veprimi më i keq është vazhdimi i skenës sikur s’ka ndodhur gjë.
Përgjigjja e drejtpërdrejtë: Nuk duhet injoruar, por duhet pranuar hapur, tha Thackeray.
Mbajtja e qetësisë: Përgjigjja më e keqe është të bësh dramë ose të turpërosh dikë. Thackeray preferon t’u japë menjëherë një pushim aktorëve.
Thirrja e “Time-Out”: “E quajmë ‘time-out’. U japim pesë minuta pastaj vij unë dhe kontrolloj [gjendjen],” shpjegoi ai. Kjo siguron që të gjithë të rikthehen në set vetëm kur të jenë gati.
Pse skenat intime nuk janë “seksi” për aktorët?
Pavarësisht rasteve të eksitimit aksidental, aktorët shpesh e përshkruajnë xhirimin e skenave të seksit si punë të mundimshme dhe aspak romantike.
Phoebe Dyvenor (Bridgerton) shpjegoi se skenat intime i xhironin si “stunt” (skena aksioni): “I bllokonim, kishim topa joga mes nesh dhe të gjitha llojet e gjërave që nuk të bënin të ndiheshe i ekspozuar në asnjë mënyrë. Gjithmonë ndihesh i sigurt.”
Justin Timberlake (Friends With Benefits) i cilësoi skenat e seksit si “të bezdisshme” dhe “rraskapitëse”: “Je aty për 12 orë, është rraskapitëse. Të gjitha ato skena rrotullohen rreth dialogut dhe prekjeve fizike, [është] shumë e lodhshme.”
Aktorja Caitriona Balfe (Outlander) shprehu mendimin e ngjashëm: “Nuk mund të them që i dua të gjitha skenat e seksit. Ato nuk janë kurrë më argëtueset për t’u xhiruar.”
Koordinatorja e intimitetit, Ita O’Brien (Sex Education), theksoi se roli i saj është pikërisht të shndërrojë pasionin e skenarit në “koreografi” dhe “strukturë”, duke u siguruar që të gjithë të jenë dakord me fizikun dhe zhveshjen.
Kjo strukturë ndihmon për të menaxhuar në mënyrë profesionale çdo incident të papritur.
