Ministri i Shëndetësisë, Arben Vitia, pritet që brenda pak ditësh të jep dorëheqje nga pozita që mban aktualisht.
Gazeta NewBorn, mëson se Vitia dorëheqjen nga pozita e ministrit të shëndetësisë pritet ta bëjë para datës një tetor dhe pas vendosjes së masave të reja të pandemisë të cilat hyjnë në fuqi të hënën.
Sipas burimeve, Vitia dorëhiqet nga pozita e ministrit të shëndetësisë për të iu kthyer garës për kryeqytetin, e ku është kandidat për Prishtinën nga Lëvizka Vetëvendosje.
Sipas burimit tonë, Vitia dorëheqjen do e bëjë dy javë para zgjedhjeve dhe sipas tyre dy javë do të angazhohet në fushatë zgjedhore në Prishtinë.
Në anën tjetër i njëjti burim thotë se në vend të Vitisë pritet të vijë Haxhi Avdyli nga Lista Guxo e Vjosa Osmanit.
Arben Vitia deri më tani as edhe një paraqitje nuk e ka pasur para qytetarëve të Prishtinës. Poashtu, Vitia por edhe VV kanë rëni të pëlqyeshmërisë edhe në Prishtinë, por edhe në qytete tjera dhe se asnjë komunë nuk është e gara ntuar për ta.
