Gazetari Vehbi Kajtazi ka thënë që i dyshuari për vrasjen e Liridona Ademajt, Granit Plava, dyshohet të jetë përfshirë edhe në dy vrasje të tjera me pagesë.
“Është interesant që i dyshuari për vrasjen ka dyshime që është i përfshirë në dy vrasje tjera. Dorasi,” ka thënë Kajtazi në Rubikon të Klan Kosovës.
Dorasi ka goxha elemente që kanë gjetur deri tash për ta lidhur me dy vrasje të tjera me pagesë, pra po flasim për një të dyshuar për vrasje me pagesë, dhe natyrisht unë nuk besoj që dikush, çfarëdo shume me ia ofru dikujt, nuk është që e merr përsipër me kaq lehtësi kryerjen e një krimi pa pasur një background kriminal, apo pa pasur veprime të tilla të mëhershme”.
“Gjatë hetimit për një vepër të caktume, apo një rast të caktum, kur kryhet hetim gjithëpërfshirës, mund të gjenden prova të cilat nuk kanë qenë të qasshme për policinë apo për prokurorinë në një fazë të caktume për një krim të caktum”.
