“A mundemi me ardhë në Kosovë me dërgu lule te varri i nanes?”, kjo është kërkesa e vetëm që dy djemtë e Liridona Ademajt kishin sot për dajën e tyre, Leonard Ademaj.
Kështu ka bërë të ditur Leonard Ademaj përmes një shkrimi në Facebook, i cili njoftojë për takimin me nipat, disa muaj pas vrasjes së motrës së tij, ku i dyshuari kryesor është bashkëshorti i saj, Naim Murseli.
“Sot i takova nipat Dionin dhe Diarin, fëmijët e Liridonës tonë, pas disa muajsh dhe pas një ngjarje tragjike që do t’i përcjellë tërë jetën. U përqafuam gjatë. Ata e patën vetëm një kërkesë: a mundemi me ardhë në Kosovë me dërgu lule te varri i nanes?”, shkroi ai në Facebook.
“Falenderojmë shërbimet sociale në Suedi për kujdesin profesional“.
