Lidhja Demokratike e Kosovës e ka fituar përfundimisht Komunën e Dragashit. Votat e diasporës ishin vendimtare për kryetarin e ri të kësaj komune që do të jetë Bexhet Xheladini.
LDK është barazuar me PDK-në me numrin e komunave të fituara në zgjedhjet lokale.
Gazeta Express ka marrë vesh nga burime se LDK-ja e ka fituar Dragashin me votat e diasporës.
Sipas këtyre burimeve, LDK prinë dukshëm me vota para PDK-së në Dragash.
160 vota janë regjistruar nga diaspora për Bexhet Xheladinin e LDK-së, ndërsa 117 për Shaban Shabanin e PDK-së.
Këto vota ishin vendimtare për komunën e Dragashit ku u përsërit procesi i votimit për votuesit nga diaspora.
Kandidati i LDK-së Bexhet Xheladini pritet të udhëheqë Dragashin në katër vitet e ardhshme pasi mposhti kandidatin e PDK-së Shaban Shabani.
