Për shkak të gjendjes së krijuar, qytetarëve që kanë kredi u është mundësuar shtyrja e këstit pa kamatë shtesë.Mirëpo, disa banka nuk po e respektojnë një gjë të tillë.Qytetarëve u është thënë që për shkak të shtyrjes duhet të paguajnë një shumë të caktuar, varësisht nga kredia që kanë marrë, raporton KOHA.
Në mesin e tyre është edhe Hazir Krasniqi, pronar i një biznesi në Malishevë.Ai detyrohet të paguajë një shumë prej 570 eurosh, në rast se pranon ta shtyjë pagesën e këstit.
Krasniqi thotë se për këtë nuk është njoftuar nga banka, mirëpo një shumë e tillë është shtuar në planin e amortizimit.
Për këtë, ministri i Financave tha që është përgjegjësi e Bankës Qendrore të Kosovës.Një gjë e tillë bie në kundërshtim me vendimin që Banka Qendrore ka marrë ditë më parë, ku thuhet që të gjithë qytetarët që kanë kredi mund të kërkojnë nga banka e tyre për shtyrje të pagesës së këstit pa kamatë.
E, në rast se kjo nuk respektohet, BQK thotë se do të merren masa ndaj atyre bankave, por pas tejkalimit të situatës së krijuar nga koronavirusi.Deri më tani janë dy banka komerciale që veprojnë në Kosovë e që e kanë aplikuar një metodë të tillë, ndonëse në kundërshtim me vendimin e BQK-së.
