Më në fund kemi mundësinë të shohim disa sekuenca nga filmi që kemi pritur me padurim “Dy gisht mjaltë 2”. Sot është publikuar traileri i parë i filmit, që na shfaq disa çaste dinamike duke na bërë edhe më kuriozë.
Në fillim të trailerit shfaqet Ema (rol i luajtur nga Elvana) duke mbërritur në Zvicër. Por aty Emën dhe Ervinin duket se i pret një surprizë e pakëndshme.
Një aktor i ri shfaqet në film, Elson Bajraktari i krahasuar me aktorin amerikan Chris Hemsworth.
Tashmë të martuar, Ervini dhe Ema do na tregojnë çfarë ndodh vërtet pas përrallës “Dhe ata jetuan të lumtur përgjithmonë…”
“Dy gisht mjaltë 2”, do të shfaqet në kinematë e Shqipërisë dhe të gjithë botës nga shkurti 2024.
Filmi vjen me skenar të Klaudia Brahimaj dhe Ermal Mamaqi.