Në spektaklin e mbrëmjes së martë në Big Brother VIP Albania, tensionet brenda shtëpisë u zbuluan për të gjithë shikuesit përmes një klipi që shfaqi momentet e ngarkuara të javës.
Aktorja Egla Ceno u bë pikënisja e debatit të ashpër që zhvilloi, duke u shfaqur si protagonistja e tensioneve të shtëpisë.
Egla nuk ka hezituar të flasë hapur për shqetësimet e saj lidhur me sjelljet dhe rregullat e shtëpisë, veçanërisht duke u ndalur tek një çështje e ndjeshme që ka të bëjë me intimitetin dhe hapësirën personale.
Ajo ka ngjallur një diskutim lidhur me sjelljet e banorëve meshkuj, të cilët, sipas saj, po tregojnë mungesë kujdesi duke u zhveshur dhe ndërruar rroba në sy të vajzave në dhomën e gjumit. Përmendja konkretisht ishte për aktorin Julian Deda, i cili ishte ndërruar në sy të saj të dielën.
“As vëllai im nuk guxon të më dalë me të brendshme, e lëre më këta këtu”, është shprehur Egla në dhomën e rrëfimit, duke nënkuptuar se kjo sjellje nuk është e pranueshme, dhe se të gjithë duhet të tregojnë më shumë konsideratë ndaj hapësirave të përbashkëta dhe ndaj pranisë së të tjerëve.
Në klipin e publikuar, diskutimi i Eglas ka ndezur biseda dhe reagimet e banorëve të tjerë, duke u bërë kështu ndër temat e para të diskutuara në edicionin e sivjetmë të BBVA. /Telegrafi/
