Pas Italisë dhe Spanjës është Franca që jep një sinjal pozitiv në luftën ndaj COVID-19 teksa në 24 orët e fundit ka regjistruar 135 viktima.
Kjo është shifra më e ulët që shënon Franca në 6 javët e fundit, saktësisht prej 22 marsit.
Ndërkohë për të 25-ën ditë radhazi ka rrënie të pacientëve në terapi intensive në 3,827 si dhe të atyre në spitale 25,827.
Franca për 1 javë shkon në një rihapje graduale dhe për të këto shifra janë pozitive duke kujtuar se në këtë periudhë një muaj më parë shënoi mbi 1 mijë viktima në 1 ditë.
Sa i përket shifrave të përgjithshme, Franca numëron deri tani 168,693 të infektuar dhe 24,895 viktima, duke qenë kështu shteti i pestë më i prekur në botë pas SHBA, Italisë, Spanjës dhe Mbretërisë së Bashkuar.
