Dy ditë para Konventës të së shtunës, një zyrtar i lartë i PDK-së ka dhënë dorëheqje nga partia.
Bëhet fjalë për Qemajl Mustafën, ish-kryetarin e Gjilanit nga radhët e PDK-së dhe kryetarin e degës së kësaj partie në Gjilan.
Siç mëson lajmi.net, Mustafa ka dhënë dorëheqje sot nga partia.
Lajmi.net ka tentuar të marrë një përgjigje nga vet Mustafa, mirëpo që i njëjti nuk ka qenë i qasshëm përmes telefonit.
Ndërkaq, zyrtarë nga dega e PDK-së në Gjilan i kanë thënë lajmi.net se kanë dëgjuar se Mustafa ka dhënë dorëheqje, mirëpo që nuk kanë ndonjë informacion zyrtar apo të konfirmuar.
Ndryshe, PDK të shtunën mbanë Konventën e saj ku pritet zgjedhja e kryetarit të ri.
I vetëm në këtë garë është Memli Krasniqi, pasi që Enver Hoxhaj konfirmoi më herët gjatë ditës se nuk do të kandidojë.
