Është përfolur prej ditësh dhe më në fund u zbulua. Egli Tako, ish-banorja e Big Brother Vip Albania 4, do t’i rikthehet ekranit këtë sezon në një format të ri dhe mjaft të dashur për publikun.
Bukuroshja është konfirmuar si pjesë e “E Diell” në Top Channel, ku do të drejtojë rubrikën më të re të dedikuar për fëmijët. “Yes Day” është loja ku të vegjlit marrin rolin e shefave, ndërsa prindërit ndjekin çdo dëshirë të tyre, duke sjellë skena plot humor, argëtim dhe emocione të forta familjare.
Familja fituese do të shpërblehet me një udhëtim magjik në Disneyland, ndërsa aplikimet tashmë janë të hapura në faqen zyrtare të Top Channel.
Nga ana tjetër, ende nuk dihet nëse Egli do të shfaqet edhe në rubrikat e tjera të “E Diell”, si “Trotuari”, aty ku pritet një përballje e shumëpërfolur mes saj dhe Xhenetës.
Thashethemet mediatike janë që po! /Prive By Liberta Spahiu
