Oda Ekonomike e Kosovës, ajo Ekonomike Amerikane në Kosovë, ajo e Afarizmit, Klubi i Prodhuesve dhe Shoqata e Kontabilistëve dhe Auditorëve, kanë mbajtur një takim të përbashkët, përmes së cilit kanë kërkuar tri vendime nga Qeveria, duke përfshirë këtu edhe pagesat e kredive.
Kryetari i Odës Ekonomike të Kosovës, Berat Rukiqi, ka thënë se pavarësisht gjendjes me koronavirus, është mirë të mos ndalet prodhimi, mirëpo që duhet të qenë të vëmendshëm në masat parandaluese.
“Po i referohem pjesës ku Qeveria ju rekomandon kompanive që punët që munden të kryhen nga shtëpia të organizohen si të tilla. Por çka ka ndodh dje? Ka qenë diçka e jashtëzakonshme. Ka pas refuzime masive të punëtorëve që të dalin në punë, duke iu referuar këtyre vendimeve. Aq më keq edhe komunat e kanë keqlexuar këtë pikë.
Kanë mbyll pikat pa nevojë. Është rasti i disa kompanive prodhuese ku inspektorët kanë shkuar. Ne iu bëjmë thirrje edhe kompanive që të marrin masat. Kjo pikë e vendimit ka shkaktuar jashtëzakonisht konfuzion”, ka thënë ai.
Tutje, nga kjo mbledhje janë propozuar edhe tri vendime të shpejta që duhegt t’i marrë Qeveria e Kosovës, e që janë:
1. Shtyrja apo riprogramimi i kredive në mënyrë që të mos ketë presion te biznese dhe qytetarët për pagesën e tyre në kohën kur mund të reduktohen të ardhurat e tyre.
Për këtë, BQK ka premtuar që të hënën do të ketë vendim, siç kanë vepruar të tjerat.
2.Shtyrja e raportimit financiar, për TVSH’në, por edhe ato vjetore.
3.Qartësimin apo një qarkore që do të jepte një drejtim të duhur për implementimin e dispozitës për punën e njërit prind në atë mënyrë që njëri prind të jetë në kujdes të prindërve.
