Një qytetar ka postuar një fotografinë e nënës së tij e cila është infektuar me koronavirus dhe po trajtohet në Klinikën Infektive të QKUK-së. Ai ka shkruar se nëna e tij po përballet me koronavirusin tash e tri javë
Ai ka kritikuar qytetarët të cilët nuk po i respektojnë masat, derisa ka thënë se është turp për ata që nuk e mbajnë maskën.
“Për ata qe hala kane dyshime…kjo foto nuk osht’ n’Itali! Kjo osht nana jeme n’Intenzive! Tash e tri jave ne sherbim intenziv! me dale neper qytet pa maske, duhet me t’ardhe turp! Perndryshe, i njoh edhe nja 20-30 njerez qe nuk jon n’kete gjendje, po jon shume keq tu u perballe me Covid!”, ka shkruar ai në Facebook.
Per ata qe hala kane dyshime…
KJO FOTO NUK OSHT’ N’ITALI!
Kjo osht nana jeme n’Intenzive! Tash e tri jave ne sherbim intenziv!
me dale neper qytet pa maske, duhet me t’ardhe turp! …See More
Ndërkohë, mbrëmjen e së martës Instituti Kombëtar i Shëndetësisë Publike të Kosovës konfirmoi edhe 187 raste pozitive me COVID-19.
Që nga fillimi i pandemisë në Kosovë janë regjistruar 5 mijë e 118 raste me Covid-19.
Nga numri i përgjithshëm sipas IKSHPK’së, 2 mijë e 370 janë shëruar, kurse raste aktive janë edhe 2 mijë e 640.
Bazuar në të dhënat e publikuara nga IKSHPK, 108 persona kanë përfunduar me fatalitet.
“Numri total i rasteve pozitive është 5.118 raste nga 28.640 persona të dyshimtë në virusin SARS-CoV-2, me gjithsej 108 raste të vdekjes të cilët kanë pasur sëmundje të tjera shoqëruese. Numri i përgjithshëm i të shëruarve deri më sot është gjithsej 2.370 raste, kurse numri i rasteve aktive është 2.640”./GazetaExpress/
