Edhe komandanti i Ushtrisë Çlirimtare të Kosovës në betejën e Koshare, Anton Quni ka reaguar pas deklaratës së Shkëlzen Gashit ku e akuzoi UÇK-në për krime.
Quni me një reagim në Facebook, tregon se si janë respektuar ligjet e luftë, kur Brigada 138 kishin zënë rob ushtarët serbë dhe sot vazhdojnë të jetojnë pranë familjeve të tyre.
Quni thotë se nuk e kanë sulmuar askënd, por kanë mbrojtur pragun e shtëpisë.
Ai shton se kushdo që e mohon këtë fakt, e mohon qenien, historinë e përgjakshme dhe sakrificën e brezave ndër shekuj për liri.
Postimi i plotë:
UÇK-ja ka zhvilluar luftë të drejtë dhe çlirimtare.
Në kulturën dhe traditën tonë të lashtë kemi mësuar se; Dardanët ishin të vetmit që i festonin fitoret me robërit e luftës dhe pastaj i lironin.
Se i kemi respektuar ligjet e luftës, ne të Brigadës 138 jemi dëshmitarë; ushtarët serb të zënë rob – sot vazhdojnë jetën pran familjeve të tyre.
Ne nuk e sulmuam askënd, ne luftuam për ta mbrojtur pragun e shtëpisë, siç thoshte presidenti Rugova.
Kushdo që e mohon këtë fakt, e mohon qenjën, historinë e përgjakshme dhe sakrificën e brezave të tërë ndër shekuj për liri, demokraci e pavarësi.
