Një vajzë 21-vjeçare ka ndërruar jetë në Napoli, pasi ka pësuar një arrest kardiak pas operacionit plastik për zmadhimin e gjoksit. Alessia Neboso, me profesion estetiste donte të rriste gjoksin sepse ishte ëndrra e saj, donte të martohej me një fustan nuseje që i vinte në pah dekoltenë. Ëndrrat e saj, u shkatërruan në pak orë. Ajo vdiq në moshën 21-vjeçare, pak pasi iu nënshtrua një operacioni për zmadhimin e gjoksit në një klinikë në Napoli.
Autopsia do të hedhë dritë mbi shkaqet e vdekjes së Alessias.E reja, me origjinë nga San Pietro, një lagje në periferi të Napolit, u ndje keq pas zmadhimit të gjoksit të kryer në Napoli dhe ndërroi jetë.
Të hënën, më 18 shtator, ajo filloi të ndihej e sëmurë: temperaturë të lartë dhe sëmundje të ndryshme të cilat gradualisht u përkeqësuan.
Në 20 shtator ajo u transportua në urgjencën e klinikës Villa dei Fiori në Acerra. Me gjithë përpjekjet e dëshpëruara të mjekëve, ajo fatkeqësisht vdiq pas një arresti kardiak. Zyra e Prokurorit Publik të Napolit hapi një hetim pasi familja, e shkatërruar nga pikëllimi, bëri një ankesë.
