Blerina Matraku ka reaguar sërish pas publikimit të materialeve private, duke bërë deklarata të forta për kompozitorin Adi Hila dhe duke kërkuar ndërhyrjen e autoriteteve.
Këngëtarja pretendon se gjatë marrëdhënies së tyre Hila i ishte prezantuar si i divorcuar nga bashkëshortja. “Për të cilën thoje ‘jam i divorcuar’”, shkruan Matraku, ndërsa i kërkon sërish falje bashkëshortes dhe vajzave të kompozitorit. Ky mbetet pretendimi i saj dhe në materialin e publikuar nuk përfshihet një përgjigje e Hilës.
Matraku flet edhe për bashkëpunimin e tyre profesional, duke deklaruar se ka paguar vetë për këngët dhe projektet e saj dhe se ka punuar deri në dy apo tri vende për të përballuar jetesën dhe muzikën.
“Nuk ta fal… ke kaluar çdo cak njerëzor”, shkruan ajo, ndërsa tregon se publikimi i materialeve private ka goditur rëndë atë dhe familjen e saj.
“Imazhi im është përdhosur… Familja ime është e gjunjëzuar”, shprehet këngëtarja, e cila kërkon masa ligjore dhe ndalimin e përhapjes së materialeve private.
