Ka ndërruar jetë në Durrës, në moshën 88-vjeçare, Muho Asllani — një nga figurat kyçe të nomenklaturës komuniste dhe bashkëpunëtor i afërt i Enver Hoxhës e më pas i Ramiz Alisë.
Asllani mbajti poste të rëndësishme në vitet ’70–’80: anëtar i Byrosë Politike, Sekretar i Parë në disa rrethe të vendit dhe zëvendësministër i Bujqësisë. Pas viteve ’90, ai nuk kërkoi kurrë ndjesë për krimet e diktaturës, duke mbetur i pandryshuar në bindjet e tij politike.
Ai ishte i lindur në Bërdicë të Shkodrës dhe karrierën e tij e ndërtoi brenda strukturave të Partisë së Punës, ku u ngjit shpejt në hierarki deri në pozicionet më të larta të regjimit. Detyrën e fundit e mbajti si Sekretar i Parë në Durrës deri në vitin 1991.
