Gruaja që shfaqet në videon me Safet Gjicin ka patur më herët në shënjestër zyrtarë të tjerë të lartë.
Një burim që njihet me një nga viktimat e saj, tha se në të paktën një rast, shantazhi për t’i marrë viktimës shuma parash me videot e regjistruara, ka shkaktuar edhe probleme të rënda.
Burimi tregoi se një rast tipik ka qenë ai i një ish-zyrtari që ka mbajtur poste të larta, ndër të cilat post drejtues në një nga qytetet më të mëdha të vendit.
Ai sot nuk jeton më, ndërroi jetë nga infarkti papritur në moshën vetëm 50 vjeçare.
Video është përdorur më pas për t’i bërë atij presion.
“Kur ai ka zbuluar ekzistencën e videos dhe identitetin e vërtetë të personit që kishte njohur, kërcënimi se ajo video mund të bëhej publike, është kthyer në fatal” – tha burimi që e lidh infarktin që i mori jetën zyrtarit pikërisht me këtë histori. (DITA)
