Faqja ukrainse UkraineUA, raporton se mbrëmë forcat e këtij vendi kanë sulmuar një bazë ushtarake ruse në rajonin e Mykoliav, ku shkatërruan rreh 30 helikopterë, karburant për automjete, dhe qindra njësi dhe artileri tjera ushtarake
Vitali Kim kryetari i administratës në këtë rajon dha lajmin e sulmeve ukrainase. “Ukrainasit ndoqën kolonën ruse rreth rajonit. Ata u kapën. Nga pala ukrainase ka zero humbje, pushtuesit kanë shumë humbje”, tha ai.
Se Rusia ka “arsenal të madh armësh” nuk qëndron, e këtë më së miri e dëshmon lufta në Ukrainë, ku forcat ruse kanë pësuar humbje tejet të mëdha si në njerëz ashtu dhe në makineri luftarake.
Madje çdo tentim për ta marrë nën kontroll ndonjë qytet ukrainas, ka hasur në rezistencë të madhe nga ukrainasit që i janë kundërpërgjigjur me tërë forcën duke i detyruar të tërhiqen, dezertojnë apo dorëzohen, transmeton Telegrafi.
E edhe ato operacioni që i realizon po i rezultojnë të pasuksesshme, pasi një numër i madh i ushtarëve rusë janë vrarë nga ukrainasit, që nuk e kanë ndërmend të dorëzohen.
Sot është dita e nëntë e luftimeve të ashpra ndërmjet palëve, që kur Rusia filloi agresionin total ndaj Ukrainës.
Edhe me gjithë sanksionet dhe kritikat ndërkombëtare, Rusia nuk ka dhënë shenja se do të ndalojë invadimin e këtij vendi, siç thonë ata, “denazifikimin e Ukrainës nga liderët e saj fashistë”./Lajm.co
