Ka ndërruar jetë në moshën 88-vjeçe, krijuesi i biskotës së famshme “Plazma”, Petar Tutavac, krijuesi i biskotës së njohur “Plazma”.
Sipas mediave serbe, Tutavac, ishtei pari profesionist i biskotave në ish-Jugosllavi, ndërsa mes recetash më të suksesshme të tij ishte edhe biskota “Domaçica” e kompanisë së njohur kroate – “Krash”.
Gjithsesi, Petar Tutavac, kishte lindur në vitin 1934 në Silvno, afër Dubrovnikut në Kroaci, ndërkohë që në vitin 1949, pati aplikuar në një kurs biskotash në Zagreb, të cilin e kishte organizuar fabrika “Krash”, ku edhe u punësua menjëherë pas kryerjes së shërbimit ushtarak.
Krash ishte industria e vetme e ëmbëlsirave në atë kohë, dhe gjithçka tjetër që u shfaq më vonë erdhi prej saj”, pati thënë Petar Tutavaci.
Por, suksesi më i madh i tij ishte receta e biskotave “Plazma”, ani pse Tutavac, asnjëherë nuk kishte pantetuar asnjë nga produktet e tij.
“Ishin kohë të tjera, dija nuk fshihej por ndahej me të tjerët. Gjithçka që bëja, të gjitha recetat dhe produktet e mia, bëheshin nën emrin e teknologjisë Bambi”.
“Gjithmonë mendoja se e gjithë kjo i përkiste popullit, në mënyrë që forca shoqërore të forcohej. Ishin kohë kur në fuqi ishin disa rregulla dhe marrëdhënie të tjera mes njerëzve. Unë jam mirë kështu, jam një njeri i lumtur”, kishte thënë ai për “Slobodna Dalmacija”.
“Plazma” e Petar Tutavacit u zhvillua në Pozharevc të Serbisë. Në të njëjtin vend, Tutavac, themeloi fabrikën “Bambi”, që sot është në pronësi të “Coca Colas”.
Por, shumë para biskotës “Plazma”, italianët më 1902 kishin nisur të prodhonin biskotën “Plasmon”, e e cila në shije, është e ngjashme me “Plazmën” – për të njëjtën, Tutavac, kishte lidhur një marrëveshje.
“Ne ramë dakord që mund të prodhonim ‘Plazma’, por që nuk mund ta eksportonim në tregun italian dhe më pas kërkova që italianët të mos e eksportonin Plasmonin e tyre. Kjo ishte marrëveshja”, tha ai.
Biskotat “Plazma” janë të njohura edhe në Kosovë dhe marketet furnizohen rregullisht me këtë produkt, i cili është përqafuar nga shqiptarët, duke përfshirë të gjitha moshat /Albanianpost.com
