Kryeministri i Kosovës, Avdullah Hoti, ka komentuar shkarkimin e Vjosa Osmanit nga pozitat udhëheqëse në Lidhjen Demokratike të Kosovës dhe largimin e saj nga partia.
Hoti ka thënë se nëse Osmani do t’i bie pishman, do ta pranonin sërish të kthehej në LDK, pasi siç thotë ai e gjithë LDK e ka mbështetur atë në kandidaturën e saj për kryeministre, shkruan Reporteri.net.
“Vjosa Osmani do të kthehet në LDK. E pranojmë nëse kthehet, patjetër. Edhe të tjerë janë kthyer që kanë dalë nga LDK-ja.”, ka thënë Hoti në Oxygen.
Kujtojmë se Vjosa Osmani doli kundër zgjedhjes së Hotit si kryeministër, madje nuk mori pjesë as në seancën kur u votua Qeveria Hoti.
Pak ditë më vonë ajo u shkarkua nga të gjitha pozitat e saj udhëheqëse në LDK.
E pas kësaj ajo ka deklaruar se rrugët me LDK-në janë ndarë, po atë ditë. /Reporteri.net
