Kryeministri i Kosovës, Albin Kurti, ka bërë të ditur se do të takohet me presidentin e Serbisë, Aleksandar Vuçiq, në pauzën mes dy sesioneve të Samitit që po mbahet në Bërdo të Sllovenisë.
Në këtë takim do të marrin pjesë edhe kancelarja gjermane, Angela Merkel dhe presidenti i Francës, Emanuel Makron.
“Serbia nuk e njeh Kosovën, Kosova nuk e njeh Serbinë, dhe ne kemi nevojë për një marrëveshje”, citohet të ketë thënë kryeministri Kurti.
Kryeministri Kurti ka thënë se njohja reciproke është e nevojshme sepse është e vetmja mënyrë për vendosjen e paqes, stabilitetit dhe sigurisë në Ballkan.
Këtë takim mes kryeministrit Kurti dhe presidentit të Serbisë, Aleksandar Vuçiq, e ka paralajmëruar dje ky i fundit përmes një konference për media.
“Pres që nesër Merkel dhe Macron të na ulin enkas mua dhe Kurtin për të biseduar”, ka thënë dje Vuçiq. /GazetaSinjali/
