Një incident ka ndodhur në një shkollë në Smederevë të Serbisë. Pasi mësuesi u përpoq t’ia largonte telefonin nxënësit, ata u përleshën në klasë.
Në videon e realizuar nga një nxënëse e së njëjtës klasë shihet mësuesi që i merr telefonin një nxënësi të vitit të dytë të gjimnazit dhe kthehet në vend.
Përleshja vazhdoi edhe në sekondat në vijim, ku mësuesi dukej tejet i zemëruar nga sjellja e nxënësit, i cili me këmbëngulje tentoi t’i rrëmbejë telefonin që i kishte marrë.
Pasi nxënësi arriti ta kthente telefonin, ai e shtyu edhe një herë mësuesin drejt dërrasës së zezë dhe përfundoi duke u larguar nga klasa.
Në video-xhirim dëgjohen edhe të qeshurat e nxënësve gjersa po zhvillohej përleshja mes mësuesit të matematikës dhe nxënësit.
Ndryshe, autoritetet policore serbe tashmë kanë nisur hetimet rreth rastit. /Telegrafi
