Një ngjarje e rëndë dyshohet të ketë ndodhur në bregdetin e Shëngjinit, ku katër shokë që kishin hyrë në det janë përballur me dallgët e forta.
Sipas informacioneve paraprake, dyshohet se të rinjtë janë marrë nga rrymat dhe dallgët e detit, ndërsa njëri prej tyre dyshohet se ka humbur jetën, raporton TopChannel, transmeton Periskopi.
Ende nuk ka një konfirmim zyrtar nga autoritetet lidhur me rrethanat e ngjarjes dhe gjendjen e personave të tjerë.
Në vendngjarje pritet ndërhyrja e forcave të kërkim-shpëtimit dhe policisë për të sqaruar plotësisht situatën.
Hetimet vijojnë, ndërsa autoritetet pritet të japin më shumë detaje në orët në vijim.
përditësim i lajmit;
Burimet bëjnë me dije se 3 persona të tjerë ndodhen të shtruar në spitalin e Lezhës fatmirësisht jashtë rrezikut për jetën.
Sakaq bëhet me dije se në vendngjarje, e njohur ndryshe si “Rana e Hedhun” nuk ka pasur kulla vrojtimi, çka ka shkaktuar vdekjen e menjëhershme të të rinjve dyshohet shqiptarë të Kosovës, pasi nuk ka pasur një roje bregdetare për t’i shpëtuar.
