Binjaket Kyrie dhe Brielle Jackson erdhën në jetë 12 javë para kohe dhe peshonin vetëm rreth 900 gramë secila. Të dyja qëndronin në kujdes intensiv, por ndërsa Kyrie po stabilizohej, gjendja e Brielle-s po përkeqësohej.Atëherë infermierja Gayle Kasparian provoi diçka të pazakontë për kohën: i vendosi dy motrat në të njëjtin inkubator.
Pak çaste më vonë, Kyrie vendosi krahun e saj të vogël mbi motrën.Pas kësaj, parametrat e Brielle-s nisën të përmirësoheshin: frymëmarrja u bë më e rregullt, rrahjet e zemrës u qetësuan dhe niveli i oksigjenit u rrit.Momenti u fotografua dhe imazhi u bë i famshëm në gjithë botën me emrin “The Rescuing Hug” – “Përqafimi që shpëtoi”.Dy motra të vogla, të ardhura në jetë shumë herët, dhe një përqafim që u kthye në një nga fotografitë më prekëse të kohës.
