Vjosa Osmani, Anton Quni dhe Lumir Abdixhiku formojnë parti, kështu quhet ajo Kryetarja e Kuvendit, Vjosa Osmani, Ministri i Mbrojtjes, Anton Quni dhe Ministri i Infrastrukturës dhe Mjedisit, Lumir Abdixhiku, së bashku edhe me 7 deputetë tjerë të LDK-së, sot pritet ta bëjnë publike krijimin e partisë më të re në Kosovë. Krejt kjo vjen pas zhvillimeve dramatike të javës së kaluar, ku edhe u rrëzua qeveria Kurti. Burimet e TV Malisheva bëjnë të ditur se partia më e re në Kosovë do të quhet Lidhja Rugoviste e Kosovës. Se si do të jetë reagimi i LDK-së ende nuk dihet, ku padyshim ky subjekt do të ketë një godtije të rënë, kur dihet roli i Osmanit, Qunit dhe Abdixhikut në LDK. E ju të dashur të Tv Malisheva faleminderit që besoni në ne, e mos harroni që sot është 1 prilli!