Gjatë ditës së djeshme u raportua se qeveria e kaluar, kishte siguruar të gjitha donacionet mjekësore që kanë ardhur nga Serbia, pikërisht kur Kosova qeverisej PDK-AAK-NISMA, me kryeministër Ramush Haradinaj.
Sipas një raporti, ishin gjithsej 46 donacione me pajisje mjekësore që u bën gjatë viteve 2018 dhe 2019.
E, ndaj këti lajmi, ka reaguar ashpër anëtari i Lëvizjes Vetëvendosje, Alban Krasniqi, që është edhe burri i deputetes Albulena Haxhiu.
Ai thotë se 46 kamionë me donacione nga Serbia kanë hyrë në Kosovë vetëm për disa javë në vitin 2018-2019 në kohën kur PAN-i ishte në qeveri me Haradinajn kryeministër dhe Uran Ismajlin e PDK-së ministër i Shëndetësisë.
Madje, ai përmes një shkrimi në Facebook, ka lutur që qeveria e kaluar ta mbyllin gojën kur flasin për donacione nga Serbia.
Ja shkrimi i tij:
46 kamionë me donacione nga Serbia kanë hyrë në Kosovë vetëm për disa javë në vitin 2018/2019 në kohën kur PAN ishte në qeveri me Ramushin kryeministër dhe Uran Ismajlin e PDKsë ministër i shëndetësisë.
Unë nuk po them që kanë bërë gabim sepse qenkan produkte medicinale.
Por, ju lutem, ju lutem MBYLLENI GOJËN!
