Një video e bërë virale në rrjetet sociale tregon një efektiv policie në një pozicion të papërshtatshëm, teksa ka ndaluar automjetin dhe nga dritarja prek një vajzë në vende intime.
Pamjet janë regjistruar në orët e mbrëmjes në një rrugë të Tiranës. Automjeti i policisë me targa AA539RR ndodhet i ndaluar në mes të rrugës dhe aty është afruar një femër. Punonjësi i Policisë së Shtetit dhe vajza “ngacmohen” me duar.
Në një moment, polici që ndodhet në timon, zgjat duart drejt vajzës duke e prekur në pjesë intime, ndërsa kjo e fundit nuk bën rezistencë.
Efektivi ka qenë në krye të detyrës, në shërbim, teksa vendi ndodhet në gjendje të jashtëzakonshme për shkak të epidemisë. Por kjo s’e ka penguar të gjejë pak çaste intime me vajzën e cila nga reagimet duket se ka njohje me policin.
Zgjatja e duarve është e tepërt. Veprimet vënë në pikëpyetje serioze kredibilitetin e uniformës së Policisë së Shtetit në funksion të garantimit të rendit dhe sigurisë publike. Aq më tepër kur kemi të bëjmë edhe me shkelje të rregullave të vendosura për shkak të COVID-19.
