9.3 C
New York
March 28, 2024
DardaniaNews
FeaturedLajme nga Bota

A ishte gjithçka me plan: Rusisë i vjen përfitimi i parë financiar nga tërheqja e trupave

Pas njoftimit të një zyrtari rus se një pjesë e trupave ruse do të largohen nga zonat kufitare nga Ukraina, efekti i lajmit u paraqit menjëherë në tregjet ndërkombëtare.

Televizioni BBC raporton se tregjet janë qetësuar pas lajmit për tërheqjen e një pjese të forcave ruse nga zona kufitare, përcjell Gazeta Express.

Nga ky njoftim duket se ka përfituar menjëherë edhe Rusia. Vlera e rublës ruse shënoi rritje në raport me dollarin amerikan dhe euron.

“Mungesa e veprimit ushtarak në kufirin ukrainas dhe shenjat për gatishmëri për të biseduar duken të mjaftueshme për t’i qetësuar nervat e tregut”, tha Michael Leister, udhëheqës i strategjisë për shkallë të interesit në bankën gjermane, “Kommerzbank”.

Zëdhënësi i Ministrisë së Mbrojtjes të Rusisë, Igor Konashenkov, ka thënë se disa njësi ushtarake do të largohen nga zona kufitare me Ukrainën pas “përfundimit të misionit të tyre”.

Megjithatë, Konashenkov tha se disa ushtrime janë ende duke vazhduar. “Forcat e Armatosura Ruse janë duke vazhduar një varg ushtrimesh të gjera për ushtrime operacionale të trupave dhe forcave. Praktikisht, të gjitha distriktet dhe flotat ushtarake dhe parashutistët janë duke marrë pjesë”, tha zëdhënësi rus.
Përktheu: Nasuf Abdyli

Related posts

Rrahman Rama jep dorëheqje, komandanti i ri i FSK-së vjen nga familja Jashari

dardanianews

Anulohet vizita e Sergei Lavrov në Serbi

dardanianews

Zgjedhjet për kryetarin e ri të PD, votojnë 17.2% e anëtarësisë – informacionet e fundit mbi procesin

dardanianews