Ish-deputeti i Kosovës, Gani Geci ka alarmuar anëtarët dhe simpatizantët e Lidhjes Demokratike të Kosovës, se po bëhet një marrëveshje e fshehtë për ta shkatërruar LDK-në.
Geci, përmes një shkrimi në Facebook, thotë se partitë e majta po synojnë të shkatërrojnë LDK-në, duke aluduar këtu të PDK-ja dhe Hashim Thaçi si dhe të Lëvizja Vetëvendosje me në krye liderin e tyre, Albin Kurtin.
Madje Geci ka kërkuar nga anëtarët e LDK-së që ta mbrojnë partinë e tyre, partinë e Ibrahim Rugovës nga partitë e majta.
Gëci në shkrimin e tij thotë se projekti për shkatërrimin e LDK-së ka filluar nga vitet e 90-ta.
E qiten në letër një projekt Hidajet Hyseni dhe Regjep Qosja gjatë rrugës prej Shtutgardi për në Zyrich në vitin 1995 projektin e shkruan në letër por pa sukses. Vazhdimi i projektit pas lufte me vrasjen e aktivistëve të LDK-së dhe prapë pa sukses, përzënia e militantëve djathtist nga LDK në kuvendin e VI të LDK-së në vitin 2006 Kuvend në të cilin aso kohe së bashku ishin Qosja, Thaçi, Hidajeti, Vetoni e Batoni sponsor medial që sponsorizuan dhe e gjiruan live në KTV e Koha Ditore kuvendin e VI por prapë pa sukses por si shpërblim u futen në LDK anëtarët e UJD-it e të Orës Teuta Sahatçiu e disa te tjerë tani goditja e fundit për shkatërrimin e LDK-së është bashkëpunimi i fshehtë në mes LVV $ PDK për vazhdim e projektit të vitit 1995 Rexhep Qosja, Hidajet Hyseni dhe projekti i tanishëm është gëlltitja e LDK nga VV duke e sha e fye LDK-në në mënyrë tinëzare si mbështetëse e Hashim Thaçit”, shkruan Geci, përcjell gazeta “Bota sot”.
Geci thotë se LDK-ja nuk është e Isa Mustafës dhe e asnjë individi, por është e atyre që shkrin mendjen dhe dhanë gjakë e djersë për liri, demokraci dhe pavarësi të Kosovës.
Ai tutje thekson se shkatërrimi i LDK-së po synohet të ndodh përmes Vjosa Osmanit dhe Isa Mustafës.
Postimi i plotë:
Marrveshjet e mshefta të partive te majta politike për ta shkatrruar LDK-en.TAKIMI THAÇI-KURTI Të dashur anëtarë dhe…
Posted by Gani Geci on Wednesday, April 1, 2020
