31.3 C
New York
June 26, 2022
DardaniaNews
Featured Lajme

Apel: Të gjithë ata që dyshojnë se janë prekur nga koronavirusi, thirrni në këtë numër

Nënkryetari i Prishtinës, Muhedin Nushi, ka treguar masat preventive që i ka ndërmarrë Komuna ndaj përhapjes së koronavirusit.

Ai i ka lutur qytetarët që të lajmërohen fillimisht në numrin e urgjencave 194, ku mund të këshillohen se a duhet të drejtohen në Qendrën e Mjekësisë Familjare apo QKUK.

“I lus qytetarët që të mos i drejtohet drejtpërsëdrejti Klinikës Infektive, por fillimisht të drejtohen në Qendrën e Mjekësisë Familjare. I lus që të lajmërohen fillimisht në numrin e urgjencave 194. Ky është numri i urgjencave ku qytetarët mund të këshillohen se a duhet të drejtohen në QMF apo QKUK”, tha ai për Klan Kosova.

Ai ka folur edhe për masat preventive që i ka ndërmarrë komuna e Prishtinës. “Masat preventive që i ka ndërmarrë Komuna e Prishtinës – ju e dini se nga e hëna është marrë vendimi për t’u mbyllur katër qendrat për të moshuarit – qëllimi i mbylljes ka qenë se kjo është grupmosha më e rrezikuar”.

Pardje është marrë vendimit tjetër në nivel të komunës ku në përputhje me vendimin e Qeverisë janë mbyllur të gjitha shkollat në Komunën e Prishtinës. Po ashtu është marrë vendimi që të gjitha tubimet dhe aktivitetet kulturore si dhe lejet e lëshuara deri tani të pezullohen”.

Ai tha se të gjithë punëtorët e Komunës, posaçërisht ata që janë në kontakt me qytetarët janë të pajisur me maska, dorëza dhe dezinfektues ku që nga dje janë duke i përdorur.

“Hapësirat e objekteve të Komunës së Prishtinës dezinfektohen gjatë vikendit për shkak se gjatë këtyre ditëve nuk do të ketë shërbime për qytetarët”.

Nushi ka theksuar se të gjitha Qendrat e Mjekësisë Familjare janë të përgatitura për çfarëdolloj intervenimi që mund të ketë nevojë.

Related posts

Reagojnë kryetarët e komunave: Askush s’është konsultuar me ne për masat e reja

dardanianews

157 TË SHËRUAR DHE 118 RASTE ME COVID-19!

dardanianews

“Më falni a mund të…”/ Çfarë i ndodhi Ramës dhe Vuçiç në rrugët e Shkupit (FOTO)

dardanianews