Ukraina po merr një sasi të madhe armësh dhe pajisjesh mbrojtëse nga aleatët perëndimorë, përfshirë helikopterë ushtarakë amerikanë, në bazë të paketës së fundit 800 milionë dollarëshe të administratës Biden. Por, avionë luftarakë në gjendje pune, kanë qenë një dërgesë e vështirë. SHBA refuzoi ofertën e Polonisë për të transferuar avionët polakë MiG 29 në Ukrainë, por zëdhënësi i Pentagonit, John Kirby, tha të martën se ushtria ukrainase ka marrë avionë të rinj luftarakë nga një aleat i paidentifikuar. Ukrainasit kanë tani në dispozicion të tyre më shumë avionë luftarakë nga sa kishin dy javë më parë – tha Kirby
