“Mashtrimi më i madh është tek identiteti ta quajmë i popullit serb, i cili përmes falsifikimeve po shfrytëzohet për synime politike. Siç e di unë dhe siç e di edhe ti, në Kosovë nuk ekziston asnjë manastir serb. Ato janë manastire ortodokse. Manastire ortodokse. Pastaj është gjë tjetër që serbët ato i përvetësuan. Në çdo shkrim deri në shekullin e XIX njerëzit janë identifikuar, sipas religjionit, sepse nuk ka pasur kombe. Kombet janë themeluar në shekullin e XIX”, tha Çanak 63-vjeçar.
Ai para dy vjetëve kishte vizituar me djalin e tij varrezat në Mejë të Gjakovës.
Çanak në disa raste kishte thënë se Kosova është shtet i pavarur dhe se Serbia duhet ta pranojë realitetin e ri të krijuar në Ballkan.
