Rusia po vazhdon të barrikadojë forcat ushtarake rreth kufirit me Ukrainën.
Gati gjysma e grupeve luftarake të Moskës e kanë rrethuar kufirin me Ukrainën tanimë në një afërsi prej 50 kilometrave, bënë të ditur zyrtarët perëndimorë të enjten, raporton CNN, përcjell lajmi.net.
Teksa folën përgjatë një konference, zyrtarët e inteligjencës thanë se Rusia ka “forcë të jashtëzakonshme” në kufirin e Ukrainës dhe ka masën ushtarake mjaftueshëm që ta pushtojë atë.
Përveç grumbullimit të trupave, zyrtarët vunë në dukje ndërtimin e një ure ponton gjatë 72 orëve të fundit, të cilën ata e përshkruan si të pazakontë dhe që bie ndesh me çdo stërvitje të kaluar ushtarake.
Ata gjithashtu vunë në dukje prezencën e tri anijeve shtesë që mbërrijtën në Krime dhe shtimin e automjeteve ushtarake dhe helikopterëve në Valyiuki në Rusinë jugperëndimore, e cila është 25 kilometra nga kufiri i Ukrainës.
