Rreth orës 19:00 të mbrëmjes së sotme është raportuar për një veturë me targë të Kosovës të përfshirë nga zjarri në lagjen “Arbëria” në Prishtinë.
Policia tha për “Zërin” se nga zjarri është prekur edhe një veturë tjetër afër veturës që kishte marrë flakë.
“Policia menjëherë ka dalë në vendin e ngjarjes, po ashtu edhe zjarrfikësit të cilët e kanë menaxhuar përhapjen e zjarrit. Aktualisht policia ka nisur me ndërmarrjen e veprimeve që konsistojnë në zbardhjen e rrethanave të ngjarjes”, thotë Policia përmes një deklaratë.
Para pak minutash është djegur vetura e deputetit të Vetevendosjes, Mefail Bajqinovci.
Kështu po raporton Gazeta Blic, teksa ka siguruar edhe fotografi nga vendi i ngjarjes.
Vetura është djegur para hyrjes së baneses së tij, në Lagjen “Arbëri” në Prishtinë.
